. . . .


1 Apr 2010

ڕۆژی شه‌هیدانی کوردستان له وڵاتی دانمارک به‌رز ڕاگیرا


ناوه‌ندی هه‌واڵ- دانمارک: ڕۆژی سێ‌شه‌ممه 30.03.2010 به بۆنه‌ی 10ی خاکه‌لێوه ڕۆژی شه‌هیدانی کوردستان و شێست و سێهه‌مین ساڵڕۆژی له سێداره‌درانی پێشه‌وا قازی محه‌ممه‌د و هاورێیانی، رێوره‌سمێک له‌ لایه‌ن کۆمیته‌ی دانمارکی حیزبی دێموکراتی کوردستان له‌ شاری کۆپنهاگ پێکهات.
له‌و رێوره‌سمه‌دا که‌ ژماره‌یه‌ک له‌ ئه‌ندامان و لایه‌نگرانی حیزب تێیدا به‌شدار بوون، به‌شداران سه‌ردانی گڵکۆی نه‌مرانی حیزب له شاری کۆپێنهاگیان کرد و په‌یمانی رێز و ئه‌مه‌گناسیان له‌ حاند خه‌بات و تێکۆشانی ئه‌و ئازیزانه‌ و سه‌رجه‌م شه‌هیدانی رێگای رزگاریی کوردستان دووپات کرده‌وه‌.
سه‌ره‌تای رێوره‌سمه‌که‌ به ده‌قیقه‌یه‌ک بێده‌نگی بۆ ڕێزگڕتن له گیانی پاکی شه‌هیدانی کوردستان ده‌ستی پێکرد. پاشان په‌یامی کۆمیسیۆنی کۆمه‌ڵایه‌تیی حیزبی دێموکراتی کوردستان که بۆ ڕۆژی شه‌هیدان ئاماده کرابوو له لایه‌ن ڕه‌سوڵ ئه‌دیبه‌وه خوێندرایه‌وه و دواتر ناسر پیرانی چه‌ند وته‌یه‌کی سه‌باره‌ت به‌ رۆژی شه‌هیدانی کوردستان پێشکه‌ش کرد.
له‌ درێژه‌ی رێوره‌سمه‌که‌دا دایه خه‌یاڵ هاوسه‌ری شه‌هید نه‌بی قادری باسێکی له سه‌ر که‌سایه‌تیی کاک نه‌بی پێشکه‌ش کرد و له کۆتایی دا ئاماده‌بوان له‌ سه‌ر گۆڕی نه‌مران‌ فاتیحه‌یان خوێند و چه‌پکه گوڵی رێز و ئه‌مه‌گناسیان دانا.
xakelewe.jpg

بگه‌رێوه‌|ئەم بابەتە 1134 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact