. . . .


11 Feb 2010

به‌ بۆنه‌ی 22ی رێبه‌ندان، له‌ شاری هێلسینکی خۆپیشاندان دژ به‌ کۆ??


ناوه‌ندی هه‌واڵ - فینلاند: رۆژی پێنج‌شه‌ممه‌ 22ی رێبه‌ندان، هاوکات له‌ گه‌ڵ خۆپیشاندانه‌کانی دژ به‌ کۆماری ئیسلامی له‌ ناوخۆی ئێران و سه‌راسه‌ری جیهان، خۆپێشاندانێک له‌ شاری هێلسینکیی پێته‌ختی وڵاتی فینلاند به‌ڕێوه‌ چوو. ئه‌و خۆپیشاندانه‌ له‌ لایه‌ن کۆمه‌ڵێک له‌ چالاکانی سه‌ربه‌خۆی ئێرانی رێکخرابوو و به‌ هه‌ماهه‌نگی له‌ گه‌ڵ ئه‌وان، کۆمیته‌ی فینلاندی حیزبی دێموکراتی کوردستان تێیدا به‌شدار بوو. ئه‌ندامانی حیزب به‌ به‌رزکردنه‌وه‌ی ئاڵای کوردستان، ئارمی حیزب و وێنه‌ی چالاکانی به‌ندکراو و ئیعدام کراوی کورد له‌ به‌ندیخانه‌کانی ئێران، هاوپێوه‌ندی خۆیان بۆ خه‌باتکارانی ناوخۆ دووپات کرده‌وه‌. هه‌روه‌ها ئه‌ندامانی چه‌ند حیزب و لایه‌نی دیکه‌ی رۆژهه‌ڵاتی کوردستانیش به‌شداریان له‌و خۆپیشاندانه‌‌ دا کرد.
خۆپیشاندانه‌که‌ کاتژمێر 1ی پاشنیوه‌رۆ له‌ به‌رده‌م پارلمانی فینلاند ده‌ستی پێکرد. سه‌ره‌تا خۆپیشانده‌ران داخوازینامه‌یه‌کیان پێشکه‌ش به‌ پارلمان کرد که‌ وێڕای گه‌یاندنی بارودۆخی ناله‌باری ئازادیخوازان له‌ ناوخۆی وڵات و سه‌رکوتی بێبه‌زه‌ییانه‌ی چالاکانی بواره‌ جۆراوجۆره‌کان و کوژران و به‌ندکرانی خۆپیشانده‌ران له‌ لایه‌ن ده‌زگا سه‌رکوتکه‌ره‌کانی کۆماری ئیسلامیه‌وه‌، داوا له‌ پارلمان و وه‌زاره‌تی ده‌ره‌وه‌ی فینلاند کرابوو تا تواناکانی خۆیان بۆ راگرتنی سه‌رکوت و ده‌سبه‌سه‌رکردنی به‌ کۆمه‌ڵی خه‌ڵکی وه‌زاڵه‌هاتووی ئێران بخه‌نه‌‌ گه‌ڕ.
پاشان خۆپیشانده‌ران به‌ شه‌قامه‌کانی شاری هێلسینکی دا رێپێوانیان کرد و به‌ وتنه‌وه‌ی دروشمه‌کانی مه‌رگ بۆ دیکتاتۆر و مه‌رگ بۆ کۆماری ئیسلامی به‌ زمانی فینلاندی، سه‌رنجی ڕێبوارانیان بۆ لای خۆیان و خواسته‌کانیان راکێشا. دواتر له‌ به‌ر ده‌م سه‌فاره‌تی جمهوری ئیسلامی ئێران کۆبوونه‌وه‌ و به‌ زمانه‌کانی کوردی و فارسی دروشمیان دا. له‌ کۆتایی خۆپیشاندانه‌که‌ش دا بڕیارنامه‌ی کۆتایی خۆپیشانده‌ران به‌ هه‌ردوو زمانی کوردی و فارسی خوێندرایه‌وه‌.
له‌ بڕیارنامه‌که‌دا خۆپیشانده‌ران هاوپێوه‌ندی خۆیان له‌ گه‌ڵ ئازادیخوازانی ناوخۆی وڵات دووپات کرده‌وه‌ و وێڕای مه‌حکووم کردنی کوشتار و سه‌رکوتی خه‌ڵکی ئێران له‌ لایه‌ن کۆماری ئیسلامی ئێرانه‌وه‌، داواش له‌ کاربه‌ده‌ستانی سه‌فاره‌تی کۆماری ئیسلامی کرابوو تا ریزی خۆیان له‌ دیکتاتۆران جیا بکه‌نه‌وه‌ و بۆ مه‌حکوم کردنی کرده‌وه‌ دژی ئینسانیه‌کانی ده‌سه‌ڵاتدارانی کۆماری ئیسلامی، په‌یوه‌ست به‌ ریزه‌کانی خه‌ڵک بن.
ئه‌گه‌ر له‌ فه‌یس بووک دا ناوت هه‌یه‌، ده‌توانی به‌شێک له‌ فیلمی خۆپیشاندانه‌که لێره‌وه‌ ببینی‌

xopishandan22irebendan.jpg

بگه‌رێوه‌|ئەم بابەتە 1279 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact