. . . .


2 Feb 2010

به‌ڕێوه‌چوونی دوو کۆنفرانس سه‌باره‌ت به‌ پرسی ئێران له‌ پارلم?


ناوه‌ندی هه‌واڵ: رۆژی سێ‌شه‌ممه رێکه‌وتی 2ی ژانویه‌ی 2010 دوو کۆنفرانسی گشتی و خه‌به‌ری له پاڕلمانی ئوروپا له بروکسێل له ژێر ناوی مرۆڤ، رۆژنامه‌وانان، سندیکا و مافی کرێکاران له ئێراندا به‌ڕێوه‌چوو. ئه‌م دوو کۆنفرانسه له لایه‌ن خانمی باربارا لۆخبیهلێر سه‌رۆکی لێژنه‌ی پارڵمانی ئوروپا بۆ کاروباری ئێران ئیداره‌کرا و ئه‌م که‌سایه‌تیانه‌ی خواره‌وه وتار و راپۆرتیان پێشکه‌ش کرد:
1. ئایدن وایت(Aidan White) سکرتێری گشتی فدراسیۆنی نێونه‌ته‌وه‌یی رۆژنامه‌وانان.
2. ماریتا سخاک(Marietje Schaake) ئه‌ندامی کۆمیته‌ی پێوه‌ندی نێونه‌ته‌وه‌یی و کۆمیته‌ی کولتوور، میدیا و په‌روه‌رده‌ی پاڕڵمانی ئوروپا.
3. ژاپ وینن(Jaap Wienen) جێگری سکرتێری گشتی فدراسیونی نێونه‌ته‌وه‌یی کار.
4. درێوری دایک(Drewery Dyke) به‌رپرسی به‌شی ئێران له ئه‌منێستی ئینترناشنال.
5. ئێمیل فرانک (Emile Franck) به‌رپرسی به‌شی ئێران له ئه‌منێستی ئینتر ناشنال له ولاتی بلژیک.
سه‌ره‌تا هه‌ریه‌ک له‌م که‌سایه‌تیانه وتار و راپۆرت خۆی سه‌باره‌ت به بارودۆخی رۆژنامه‌وانان، سندیکا و کرێکاران و به گشتی مافی مرۆڤ له ئێراندا هێنایه‌ به‌ر باس و دواتر کات درا به به‌شداربوان بۆ هێنانه‌ ئارای پرسیاره‌کانیان. دوابه‌دای کۆنفرانسی گشتی، کۆنفرانسێکی رۆژنامه‌وانی له به‌شی پرێس کۆنفرانسی پاڕڵمانی ئوروپا سازدرا.
sminar-iran.jpg

بگه‌رێوه‌|ئەم بابەتە 1287 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact