. . . .


1 Feb 2010

رێوره‌سمی 2ی رێبه‌ندان له‌ شاری له‌نده‌ن به‌ شکۆوه‌ به‌ڕێوه??


ناوه‌ندی هه‌واڵ - بریتانیا: بۆ ڕێز گرتن له‌ یاد و بیره‌وه‌ری 2ی ریبه‌ندان 64 هه‌مین ساڵڕۆژی دامه‌زرانی کۆماری کوردستان، ڕێو ڕه‌سمێکی به‌شکۆ پێک هات. بۆ ئه‌و مه‌به‌سته‌ مه‌ڵبه‌ندی ڕۆشنبیری له‌ شاری له‌نده‌ن وه‌فادارانی ئامانجه پیرۆزه‌کانی 2ی ڕێبه‌ندانی گرتبووه‌ باوه‌شی خۆی و به‌ درێژایی چه‌ندین سه‌عات ژن و پیاو و کچ و کوڕ ده‌سته‌ملانی شادی یه‌کانی ئه‌و ڕۆژه‌ بوون و به‌شێوه‌ی شیاوی خۆی، ڕێزیان لێگرت.

ئه‌و ڕێوڕه‌سمه‌ که‌ به‌ به‌شداری سه‌دان که‌س له‌ ئه‌ندمانی حیزب، نوێنه‌رانی لایه‌نه‌ سیاسیه‌ ئێرانی و کوردستانی‌یه‌کان و ژماره‌یه‌کی زۆر له‌ میوانانی تایبه‌تی به‌رێوه‌ چوو، له‌ سه‌عات 3ی دوانیوه‌ڕۆی ڕۆژی یه‌کشه‌ممه‌ 31ی جانیوه‌ری 2010 ده‌ستی پێکرد.

وه‌ک هه‌میشه‌ سروودی نه‌ته‌وایه‌تی ئه‌ێ ره‌قیب ده‌سپێکی ئه‌و رێوره‌سمه‌ بوو. پاشان ئاماده‌بوان بۆ رێزگرتن له‌ شه‌هیدانی ڕێگای ڕزگاری کوردستان، به‌ تایبه‌تی شه‌هیدانی کۆماری کوردستان ده‌قیقه‌یه‌ک به‌ بێده‌نگی به‌سه‌رپێوه‌ وه‌ستان.

ئه‌ندامی کومیته‌ی بریتانیا فه‌ره‌یدوون مه‌عرووفی به‌ڕێوه‌به‌ری ئه‌و ڕێوڕه‌سمه‌ شێعرێکی هه‌ست بزوێنی پێشکه‌ش کرد و به‌ دوای ئه‌و دا په‌یامی ده‌فته‌ری سیاسی حیزبی دێمۆکراتی کوردستان له‌ لایه‌ن محه‌ممه‌د میراوه‌یی به‌رپرسی کۆمیته‌ی بریتانیا پێشکه‌ش کرا.

دوابه‌دووای ئه‌و، حیزبه‌کانی میوان له‌و بۆنه‌یه‌ دا په‌یامی خۆیان به‌ شێوه‌ی خواره‌وه پێشکه‌ش کرد:

پارتی دێموکراتی کوردستان – لێژنه‌ی ناوچه‌ی له‌نده‌ن، له‌ لایه‌ن کاک که‌مال ئامێدی
یه‌کێتی نیشتمانی کوردستان – مه‌کته‌بی ڕێکخستنی بریانیا ، له‌ لایه‌ن خوشکه‌ ڕێزان جه‌لال عه‌زیز
په‌یامی مه‌ڵبه‌ندی ڕۆشنبیریی کوردیی له‌ لایه‌ن مامۆستا پێشره‌و، به‌رپرسی مه‌ڵبه‌ند
په‌یامی پارتی ئازادیی کوردستان ، کۆمیته‌ی ڕێکخستنی بریتانیا
په‌یامی جنبش ملی بلوچستان له‌لایه‌ن کاک شه‌هاب
په‌یامی کۆمه‌ڵه‌ی زه‌حمه‌تکێشانی کوردستانی ئێران، له‌ لایه‌ن کاک عه‌زه‌م قوبادی پور
په‌یامی جبهه‌ دمکراتیک مردم الاحواز له‌لایه‌ن کاک مه‌حمود ئه‌حمه‌د ئه‌حوازی

به‌ دوای په‌یامه‌کان دا پشویه‌ک ڕاگه‌یه‌ندرا و پاشان نۆره‌ گه‌یشته‌ به‌زمی موسیقا و شادی و هه‌ڵپه‌ڕین که‌ سه‌ره‌تا له‌لایه‌ن "تیپی موسیقای ئسماعیل سه‌رده‌شتی" که‌ له‌ 2 برای ئه‌ندامی حیزب ئازاد و شۆڕش ئیبراهیمی پێک هاتوه‌ و گۆرانی بێژانی ده‌نگ خۆش: سه‌رهه‌نگ هه‌ڵه‌بجه‌یی، سامان خه‌له‌کانی، هاوژین خه‌بات، سه‌باح ڕه‌واندزی و ئه‌کره‌م گوڵانی وهه‌ڵپه‌ڕکێی کچان و کوڕانی دڵ پڕ له‌ هه‌ست و ئه‌وینی ئازادی تا دره‌نگانی شه‌و درێژه‌ی کێشا.

رێوره‌سمه‌که‌ له‌ سه‌عات 3ی دوا نیوه‌ڕۆ تا 10 شه‌و درێژه‌ی کێشا.
2irebendan.jpg
2irebendan1.jpg

بگه‌رێوه‌|ئەم بابەتە 1609 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact