. . . .


31 Jan 2010

ناوه‌ند و لایه‌نه‌ جۆراوجۆره‌کان پشتیوانی له‌ بانگه‌وازی نوێ?


ناوه‌ندی هه‌واڵ - هوله‌ند:به‌ دوای بڵاوبوونه‌وه‌ی نامه‌ی به‌ رپرسی کومیته‌ی به‌ڕێوه‌به‌ری و نوێنه‌ری حیزب له‌ ده‌ره‌وه‌ی وڵات کاک مسته‌فا شڵماشی، بۆ به‌ ده‌نگه‌وه‌ هاتنی رێکخراوه‌کانی پارێزه‌ری مافی مرۆڤ و ناوه‌نده‌کانی به‌دواداجوونی مافی ئینسانه‌کان له‌ بابه‌ت بارودۆخی به‌ندکراوانی کورد له‌ رۆژهه‌ڵاتی کوردستان و مه‌ترسی ئیعدامی 21 که‌س له‌و به‌ندکراوانه‌، چه‌ندین حیزب و ناوه‌ندی نێونه‌ته‌وه‌یی پشتیوانی خۆیان بۆ زیندانیانی کورد له‌ ئێران، به‌ تایبه‌ت ئه‌وانه‌ی حوکمی له‌ سێداره‌دانیان به‌ سه‌ر دا سه‌پاوه‌ ڕاگه‌یاند.
ئه‌منێستی ئینته‌رناشناڵ، ، حیزبی سۆسیالیستی هوله‌ند، ، حیزبی سه‌وزه‌کانی ئوترێش و ، حیزبی سۆسیالیستی ئوتریش به‌ ناردنی نامه‌ی ڕاسته‌وخۆ بۆ به‌رپرسی ده‌ره‌وه‌ی حیزب کاک مسته‌فا شڵماشی، پشتیوانی خۆیان بۆ ئازادیی ئه‌و به‌ندکراوانه‌ ڕاگه‌یاندووه‌. هه‌روه‌ها، هه‌روه‌ک پێشتریش له‌ هه‌واڵه‌کان دا هاتبو، له‌ دیداری به‌ر پرسی په‌یوه‌ندییه‌ کانی حیزب بۆ پارلمانی ئوروپا،له‌ دیداری نێوان هاوڕێ کاوه‌ ئاهه‌نگه‌ری له‌ گه‌ڵ خانمی باڕبارا لۆخبیهلێر سه‌رۆکی لێژنه‌ی پاڕلمانی ئوروپا بۆ کاروباری ئێران دا، ناوبراو پشتیوانی خۆی بۆ ئازادیی زیندانیانی سیاسی و مه‌ده‌نیی کورد ڕاگه‌یاند.
شایانی باسه‌ که‌ داوای پشتیوانی نوێنه‌ری حدک له‌ ده‌ره‌وه‌ی وڵات به‌ زۆر ناوه‌ند و ڕێکخراوی مرۆڤدۆست و حیزب و ناوه‌ندی سیاسی هه‌ر له‌ کاناداوه‌ تا ئوستڕالیا و نیوزیلاند گه‌یشتوه‌و چاوه‌ڕوان ده‌کرێ له‌ رۆژانی داهاتوودا زۆر له‌و ناوه‌ند و ڕێکخراوانه‌ پشتیوانی خۆیان بۆ بانگه‌وازه‌که‌ی نوێنه‌ری حیزبی دێموکراتی کوردستان له‌ ده‌ره‌وه‌ی وڵات ده‌رببڕن.

بگه‌رێوه‌|ئەم بابەتە 1150 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact