. . . .


19 Jan 2010

که‌مپه‌ینی وه‌گه‌ڕ خستنه‌وه‌ی په‌روه‌نده‌ی تێرۆری د. قاسم???


ناوه‌ندی هه‌واڵ : له درێژه‌ی هه‌وڵه‌کانی حیزبی دێموکڕاتی کوردستان بۆ راکێشانی پشتیوانیی که‌سایه‌تی و ناوه‌نده‌ سیاسی‌یه‌ ئورووپایی‌یه‌کان سه‌باره‌ت به که‌مپه‌ینی وه‌گه‌ڕ خستنه‌وه‌ی په‌روه‌نده‌ی تێرۆری دوکتور قاسملوو، چه‌ند که‌س له ئه‌ندامانی پارلمانی ئینگلستان پێتیشنێکی تایبه‌ت به‌و که‌یسه‌یان له نێوخۆی ئه‌و پارلمانه‌دا کردۆته‌وه‌.
له‌سه‌ر داوای حیزبی دێموکڕاتی کوردستان، باب سپینک ئه‌ندامی پارلمانی ئینگلستان ئیبتکاری کۆکردنه‌وه‌ی پشتیوانی له‌نێو پارلمانی ئینگلستان‌ بۆ که‌مپه‌ینه‌که‌ی‌ له رۆژی 15 دێسامبری 2009 دا تۆمار کردووه.
له نامه‌یه‌کدا به رێکه‌وتی 7 ی ژانویه‌ی 2010 که وێنه‌یه‌کی بۆ مه‌ولود سواره نوێنه‌ری حیزبی دێموکڕاتی کوردستان له بریتانیا نێردراوه، دوکتور رۆبین جه‌یمس ده‌بیری کۆمیته‌ی کاروباری ده‌ره‌وه‌ی پارلمانی ئینگلستان بۆ باب سپینک ی نووسیوه:
" کۆمیته‌ی کاروباری ده‌ره‌وه‌ی پارلمان له دوایین کۆبوونه‌وه‌ی خۆی‌دا نێوه‌رۆکی ئه‌و پێتیشنه‌ی خستۆته به‌ر باس که ئه‌ندامانی حیزبی دێموکڕاتی کوردستان له بریتانیا وه‌ڕێیان خستووه و له‌لایه‌ن ئێوه‌وه له رۆژی 15 ی دێسامبردا پێشکه‌ش به پارلمانی ئینگلستان کراوه".

بگه‌رێوه‌|ئەم بابەتە 1583 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact