. . . .


18 Jan 2010

سمینارێکی گشتی له‌ لایه‌ن یه‌کێتی ژنانی دێموکراتی کوردستانه‌وه?


ناوه‌ندی هه‌واڵ - فینلاند: کاتژمیر یه‌ک و نیوی دوا نیوه‌رۆی رۆژی ١٦ی ژانویه‌ی٢٠١٠ له‌ شاری تورکوی و‌ڵاتی فێنلاند سمینارێک له‌ لایه‌ن کۆمیته‌ی یه‌کێتی ژنانی دێموکراتی کوردستانه‌وه‌ بۆ به‌ڕێزان گوڵاڵه‌ شه‌ره‌فکه‌ندی و سارا محه‌ممه‌دی و شوعله‌ قادری پێکهات.

سمیناره‌که‌ به‌ سرودی نه‌ته‌وایه‌تی ئه‌ی ره‌قیب و خوله‌کیک بي ده‌نگی بۆ رێزگرتن له‌ یاد و خه‌باتی شه‌هيدانی رێگای ئازادی و یه‌کسانی ده‌ستی پی کرد.سه‌ره‌تا له‌ لایه‌ن به‌ڕێز زوله‌یخا مه‌مه‌ندی به‌خێر هاتنی به‌شداربوان کرا ، به‌ دوای ئه‌ودا بۆ ڕێزگرتن له‌ خه‌بات و تیکۆشانی هاوری تازه‌ کۆچکردومان کاک ته‌ها عه‌تیقی له‌ لایه‌ن کاک ره‌زا ره‌شیدزاده‌، هاوکار و هاوڕێی کاک ته‌ها له‌ رادیۆ ده‌نگی کوردستان باسێکی کورت پێشکه‌ش کرا. له‌ درێژه‌ی به‌رنامه‌که‌دا به‌ڕێز شه‌هێن زادئه‌حمه‌د به‌ر پرسی کۆمیته‌ی یه‌کیه‌تی ژنانی دێموکراتی کوردستان له‌ وڵاتی فینلاند کۆڕگێڕانی سمینار، به‌ڕێزان گولاله‌ شه‌ره‌فکه‌ندی به‌رپرسی کۆمیته‌ی ده‌ره‌وه‌ی وڵاتی يه‌کیه‌تی ژنانی دێموکراتی کوردستان،‌ سارا مه‌حه‌ممه‌دی مافناس و چالاکی بواری مافه‌کانی ژنان و شوعله‌ قادری به‌رپرسی کۆمیته‌ی سویدی یه‌کیه‌تی ژنانی دێموکراتی کوردستان و کادری له‌مێژینه‌ی خه‌باتی رێگای ئازادی به‌ ئاماده‌بوان ناساند. ئینجا کێژۆله‌ی جوان و خنجێلانه‌ شنۆ ئه‌حمه‌دی به‌ ده‌نگه‌ خۆشه‌که‌ی چه‌ند گۆرانیه‌کی پيشکه‌ش کرد که‌ له‌گه‌ڵ پێشوازی گه‌رمی به‌شداربوان به‌ره‌ورو بوو. پاشان کورته‌فیلمیکی ١٥ خوله‌کی له‌ سه‌ر ماف و پيگه‌ی ژنان له‌ جێهاندا نێشان درا و به‌ دوای ئه‌وه‌دا سارا مه‌حه‌ممه‌دی باسیکی تیرو ته‌سه‌لی له‌ سه‌ر ماف و پیگه‌ی ژنان له‌ قانونی ئه‌ساسی ئیراندا ئاراسته‌ کرد . ناوبراو له‌ به‌شیک له‌ قسه‌کانی دا وتی: قانونی ئه‌ساسی ئيران له‌ سه‌ر جه‌وهه‌ر و بنه‌مای ئیسلامی دانراوه‌ و نابه‌رامبه‌ری و نا يه‌کسانی زۆری دژ به‌ ژنان تيدایه‌ و ئه‌و مافانه‌ی که‌ له‌ کۆنواسيۆنه‌ نێونه‌ته‌وه‌ییه‌کاندا بۆ ژنان ئیمزا کراوه‌ له‌ قانونی ئه‌ساسی ئیراندا نه‌ک بۆ ژنان به‌رچاو ناکه‌ون به‌ڵکو له‌ زۆر شویندا ژنان قوربانی بونیادگه‌رایی ئیسلامی بوون . له‌ کۆتایی باسه‌که‌یدا ئاماژه‌ی به‌وه‌دا که‌ ئیمه‌ ئيستا له‌ ده‌ره‌وه‌ي وه‌ڵات بواری ئه‌وه‌مان هه‌یه‌ که‌ هه‌ر نابه‌رابه‌ریه‌ک و نا عه‌داله‌تیه‌کی ياسایی له‌ سه‌ر ژنان له‌ قاو بده‌ین.
به‌ دوای باسه‌که‌ی خاتو سارادا کورته‌ فیلمیکی دیکه‌ سه‌باره‌ت به‌ به‌شيک له‌ ناره‌زایه‌تیه‌کانی ٧ مانگی رابردو به‌ دژی ده‌سه‌ڵاتدارانی کۆدیتاچی له‌ ئیران دا نێشان درا و پاش پشوویه‌کی کورد، کۆڕه‌که‌ به‌ ده‌نگه‌ به‌سۆزو خۆشه‌که‌ی شنۆخان درێژه‌ ده‌ستی پێکرده‌وه‌.
له‌م به‌شه‌دا خاتوو گولاله‌ شه‌ره‌فکه‌ندی باسه‌که‌ی خۆی پێشکه‌ش کرد و تێیدا باسی له‌ جوڵانه‌وه‌ی ژنانی ئيران و رۆڵ و نه‌قشی ئه‌وان له‌ خۆپێشاندانه‌کانی دوای کوده‌تای هه‌ڵبژاردن کرد. له‌ به‌شێکی دیکه‌ی وته‌کانی دا رێزدار شه‌ره‌فکه‌ندی باسی له‌ وه‌زعیه‌تی فه‌رهه‌نگي و کۆمه‌ڵايه‌تي وحقوقی ژنان له‌ ئێران و زاڵبوونی دیسکۆرسی پیاوسالارانه‌ کرد و ئاماژه‌ی به‌ کرده‌وه‌کانی ٣١ ساڵه‌ی ده‌سه‌ڵات له‌ ئیراندا کرد. هه‌ر وه‌ها له‌ درێژه‌ی باسه‌که‌یدا ئاماژه‌ی به‌وه‌ کرد که‌هه‌مو ئه‌و نرخانه‌ي ژنان وه‌ک لیدان ، زيندان ، کوشتن ، ته‌نانه‌ت ته‌جاوزکردن پییان ، که‌ له‌ پيناو وه‌ده‌ست هینانی مافی یه‌کسانیدا ده‌یده‌ن نه‌ته‌نيا سه‌ر شۆری نییه‌ به‌ڵکو جیگای شانازیشه‌. به‌رپرسی کۆمیته‌ی ده‌ره‌وه‌ی وڵاتی یه‌کیه‌تی ژنانی دێموکراتی کوردستان له‌ کۆتایی باسه‌که‌يدا هاته‌ سه‌ر پيگه‌ی ژنان له‌ جوڵانه‌وه‌ی سه‌وزدا و رايگه‌یاند که‌ پیگه‌و مافي ژنان له‌و جوڵانه‌وه‌يه‌دا به‌ هیند نه‌گیراوه و له‌ ١٧هه‌مین راگه‌یاندراوی موسه‌ویدا باسیکی ئه‌و تۆ له‌ سه‌ر ماف و پیگه‌ی ژنان له‌ ئيراندا له‌و راگه‌یندراوه‌دا نه‌گونجیندراوه‌ ، دوابه‌دوای باسه‌کانی کۆڕگێڕان، نۆبه‌ گه‌یشته‌ پرسیار و تیبینی به‌شداربوان که‌ له‌ لایه‌ن به‌رێزان شه‌ره‌فکه‌ندی و موحه‌ممه‌دیه‌وه‌ وه‌ڵام درانه‌وه‌
دوا برگه‌ی به‌رنامه‌که‌ ته‌رخان کرابو بۆ کۆنفرانسی ژنان له‌ فینلاند که‌ له‌و به‌شه‌دا خاتو شۆعله‌ قادری بۆ به‌شداربوان دواو ناوبراو له‌ باسه‌که‌یدا تیشکی خسته‌ سه‌رخه‌بات و تیکۆشانی یه‌کسانی خوازی و بروا به‌ خۆبوون له‌ نیو ژناندا و هه‌وڵدان بۆ به‌شداری زیاتری ژنان له‌ ده‌سته‌ڵات دا. له‌و پیوه‌ندیه‌دا ئاواتی خواست له‌ کۆنگره‌ی داهاتوی حیزبی دیموکراتی کوردستان دا ریژه‌یه‌کی به‌رچاو و زياتر له‌ ژنان له‌ رێبه‌ری و به‌رێوه‌به‌ری ئه‌و حێزبه‌دا جێگای خۆیان بکه‌نه‌وه‌. به‌ دوای باسه‌که‌ی خاتۆ شوعله‌دا به‌ڕێز‌ شه‌هین زادئه‌حمه‌د به‌رپرسی یه‌کیه‌تی ژنانی دیموکرات له‌ فینلاند راپۆرتیکی له‌ کار و چالاکیه‌کانی رێکخراوه‌که‌ له‌ نێوان دوو کۆنفرانس دا پیشکه‌ش کرد که‌ به‌ دوای سه‌رنج و تێبینی ئه‌ندامان،له‌ لایه‌ن به‌شداربواني کۆنفه‌رانسه‌وه‌ به‌ تیکرای ده‌نگ په‌سه‌ند کرا. له‌ کۆتايی کاری کۆنفه‌رانسدا نۆبه‌ گه‌یشته‌ هه‌ڵبژاردنی ده‌سته‌ی به‌ریوه‌به‌ری نوێ بۆ يه‌کيه‌تی ژنانی دیموکرات له‌ فینلاند که‌ له‌و به‌شه‌دا ریژه‌یکی به‌ر چاو له‌ ژنان ئاماده‌گی خۆیان بۆ کار کردن له‌ ده‌سته‌ی به‌ريوه‌به‌ریدا راگه‌یاند که‌ بوو به‌ جیگای خۆشحالی و ره‌زامه‌ندی به‌شداربوان و به‌ریوه‌به‌رانی کۆنفه‌رانس. له‌و پیوه‌نديه‌دا ده‌سته‌یه‌کی ١١ که‌سی بۆ به‌ریوه‌به‌ری کۆمیته‌ی یه‌کیه‌تی ژنانی دیموکرات له‌ فینلاند هه‌لبژیردران .
کۆمیته‌ی یه‌کيه‌تی ژنانی دێموکراتی کوردوستان له‌ فينلاند
sminarijnan-turku.jpg

بگه‌رێوه‌|ئەم بابەتە 1569 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact