. . . .


20 Dec 2009

کومیته‌ی حیزبی دێموکرات له‌ گه‌ڵ ریکخراوی پارتی دێموکرات کۆبوونه???


ناوه‌ندی هه‌واڵ - دانمارک: کاتژمێر 6ی ئیواره‌ی رۆژی 15ی دێسامبری 2009 هه‌یئه‌تێک له‌ کومیته‌ی دانمارکی حیزبی دێموکراتی کوردستان له‌ گه‌ڵ به‌رپرسانی رێکخراوی پارتی دێموکراتی کوردستان له‌و وڵاته‌ کۆبوونه‌وه‌.
له‌ کۆبوونه‌وه‌که‌دا که‌ له‌ سه‌ر بانگهێشتی کۆمیته‌ی حیزبی دێموکراتی کوردستان رێکخرابوو، سه‌ره‌تا له‌ لایه‌ن کاک نه‌به‌ز مسته‌فا پوور،به‌رپرسی کومیته‌ وێڕای به‌خێرهێنانی وه‌فدی میوان، باس له‌ بزوتنه‌وه‌ی ئازادیخوازنه‌ی خه‌ڵکی ئێران کرا که له‌ ماوه‌ی چه‌ند مانگی رابردوو دا‌ سه‌رانسه‌ری ئه‌و وڵاته‌ی گرتۆته‌وه و له‌م باره‌وه‌ هه‌ڵوێستی حیزبی دێموکراتی به‌ وردی شی کرده‌وه.‌ له‌ به‌شێکی دیکه‌ی باسه‌که‌دا ئاماژه‌ به‌‌ کار و تێکوشانی حیزب له‌م پێوه‌ندیه‌دا به‌ تایبه‌تی له‌ وڵاتی دانمارک کرا. هه‌ر له‌م باره‌وه‌ هاورێیانی کومیته‌ی حیزبیش که‌ له‌ دانیشتنه‌که‌دا ئاماده‌ بوون زیاتر تیشکیان خسته‌ سه‌ر باسه‌که‌.
پاشان له‌ لایان کاک موسا به‌رپرسی رێکخراوی پارتی له‌ وڵاتی دانمارک باسی رابردووی تێکۆشان و سیاسه‌ته‌کانی ئیستای پارتی دێموکراتی کوردستان کرا. دواتر تیشکی خسته‌ سه‌ر دوا رووداو و گۆڕانکاریه‌کان له‌ هه‌رێمی کوردستان و ئاماژه‌ی به‌ کێشه‌ و گیروگرفته‌کانی ئیستای هه‌ریمی کوردستان به‌ گشتی کرد.
له‌ به‌شێکی دیکه‌ی دیداره‌که‌دا، هاوڕێیانی حیزب سپاس و پێزانینی خۆیان پێشکه‌ش به‌ به‌رپرسانی رێکخراوی پارتی له‌ وڵاتی دانمارک کرد که‌ له‌و ماوه‌یه‌ دا هاوکارییان کردوون و دوو لایه‌ن جه‌ختیان له‌ سه‌ر به‌رده‌وامیی هاوکاری و هاوخه‌باتی زیاتر له‌ نێوانیان دا داگرته‌وه‌.
له‌ لایان کومیته‌ی حیزب هاوڕێیان نه‌به‌ز مصطفی پور، کامران که‌لهوری، سه‌ید قادر و رحیم ده‌روێش به‌شدار بوون و له‌ لایه‌ن رێکخراوی پارتی دێموکراتیشه‌وه‌ به‌ڕێزان کاک موسا به‌رپرس و، کاک نیروان و خوشکه‌ رووبار ئه‌ندامانی ناوچه‌ی پارتی له‌ دانمارک به‌شدار بوون.
kobunewe-parti.jpg

بگه‌رێوه‌|ئەم بابەتە 1129 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact