. . . .


15 Dec 2009

ڕێوڕه‌سمی ڕۆژی پێشمه‌رگه‌ی کوردستان به‌ شکۆیه‌کی بێوێنه‌وه‌


ناوه‌ندی هه‌واڵ - دانمارک: ڕۆژی شه‌ممه‌ ڕێکه‌وتی 12ی دێسامبری 2009 به‌ به‌شداری دۆست و لایه‌نگران و ئه‌ندامانی حیزبی دێموکراتی کوردستان و پارت و لایه‌نه‌ سیاسیه‌کان و زۆربه‌ی زۆری کورده‌کانی دانیشتووی شاره‌کانی ده‌ورووبه‌ری کۆپێنهاگ، واته‌ کوردی هه‌ر چوار پارچه‌ی کوردستان، ڕێوڕه‌سمێکی به‌ شکۆ له‌ یه‌کێک له‌ ساڵۆنه‌کانی شاری کووی سه‌ر به‌ کۆپێنهاگ به‌رێوه‌ چــــــــوو.
به‌شی یه‌که‌می به‌رنامه‌که‌ پاش رازاندنه‌وه‌ی سالۆنه‌که‌ به‌ نوسراوه‌ و ئارم و ئالای کوردستان، کاتژمێر 6ی ئێواره‌ له‌ لایه‌ن سنوور محمدزاده‌ پێشکه‌شکا‌ری ڕێوڕه‌سمه‌که‌وه‌ به‌ پێشکه‌شکردنی پارچه‌ شیعرێک و به‌خێرهێنانی به‌شداربوان ،به‌ ســروودی کوردستان ئه‌ی نیشتمانی جوان و ڕاگرتنی ده‌قیقه‌یه‌ک بێده‌نگی بۆ ڕیزگرتن له‌ گیانی پاکی شه‌هیدانی کورد و کوردستان خوێندنه‌وه‌ی په‌یامی کۆمیته‌ی دانمارکی حیزبی دێموکراتی کوردستان له‌ لایه‌ن کامڕان که‌لهوری پێشکه‌شکردنی موزیک ده‌ستی پێکرد. کاتژمێر 8ی شه‌و به‌شی دوهه‌می ئاهه‌نگه‌که‌ به‌ خۆیندنه‌وه‌ی په‌یام و بروسکه‌ی پیرۆزبایی حیزب و سازمانه‌کانی کوردستان به‌م شێوه‌یه‌ ده‌ستی پێکرد:
په‌یامی پیرۆز بایی حکومه‌تی هه‌ریم کوردستان
په‌یامی پیرۆزبایی پارتی دێموکڕاتی کوردستان له‌ دانمارک
په‌یامی پیرۆزبایی یه‌کیه‌تی نیشتمانی کوردستان له‌ دانمارک
په‌یامی پیرۆزبایی ئینستیافی کورد له‌ دانمارک
برووسکه‌ی پیرۆزبایی یه‌کیه‌تی لاوانی دێموکراتی (ڕۆژهه‌ڵات)
برووسکه‌ی پیرۆزبایی یه‌کیه‌تی ژنانی دیموکرات
برووسکه‌ی پیرۆزبایی یه‌کیه‌تی دێموکراتیکی کورد سووریه‌
برووسکه‌ی پیرۆزبایی چاوه‌دێری کوردۆسایت کۆمیته‌ی ڕۆژهه‌ڵات (چاک)

پاشان هونه‌رمه‌ندی لاو هێرش هه‌ورامـــــــی به‌ ده‌نگی زوڵاڵی خۆی و به‌شداربۆانیش به‌ هه‌ڵپه‌رین و شایی ئاهه‌نگه‌که‌یان رازانده‌وه‌. هه‌ر له‌و به‌شه‌ی به‌رنامه‌که دا له‌ لایه‌ن ڕه‌شید قازی چه‌ند وته‌یه‌ک له‌ سه‌ر رۆژی پێشمه‌رگه‌ و هه‌مو ئه‌و ڕۆڵانه‌ی که‌ به‌ سه‌خاوه‌ته‌وه‌ گیانیان له‌ پێناو نه‌ته‌وه‌که‌یان به‌خت کردووه‌ هه‌روه‌ها هه‌مو ئه‌و رۆڵانه‌ی که‌ تا دۆێنێ له‌ سه‌نگه‌ری شاخه‌کاندا حماسه‌یان ده‌خوڵقاند و ئێستا له‌ سه‌نگه‌ری سه‌رۆککۆماری و سه‌رۆکی هه‌ریم و دیپلۆماسی و زیندانه‌کاندا ئه‌رکی پێشمه‌رگایه‌تیان به‌ جێ ده‌گه‌یه‌نن ،به‌رز نرخاند و له‌ هه‌مان کات ئاواتی خواست که‌ هێزی پێشمه‌رگه‌ی کورد‌ له‌ ژێر هێژمۆنی حیزبی بێته‌ ده‌ر ئه‌رکی سه‌ره‌کی پاراستنی وڵاته‌که‌ی بگرێته‌ ئه‌ستۆ. هه‌روه‌ها له‌ سالانی داهاتوشدا هه‌مو هێزه‌کانی کوردی پێکه‌وه‌ ئه‌م یاده‌ پیرۆزه‌ له‌ کوردستانێکی ئازاد هه‌نده‌راندا جێژن بگرن. پاشان له‌ لایه‌ن 4 ئه‌ندامی حیزبه‌وه‌، خه‌ڵات به‌ سه‌ر چوار پێشمه‌رگه‌ی دێرین له‌ هه‌ر چوارپارچه‌ی کوردستان نیشته‌جێی وڵاتی دانمارک پێشکه‌ش کرا، که‌ بریتی بوون له‌:
1- به‌رێز ولید ئه‌حمه‌د بین باش ڕۆژ ئاوایی کوردستان
2- به‌رێز محمد عه‌لی سندی له‌ باشووری کوردستان
3-به‌ڕێز کاک سوفی له‌ باکووری کوردستان
4- به‌ڕێز ناسر پیرانی له‌ رۆژهه‌ڵاتی کوردستان
ئه‌م ڕێزگرتنه‌‌ بو به‌ هۆی خۆشحالی له‌ راده ‌به‌ده‌ری به‌شداربوان و میوانانی به‌شدار بو و به‌ هه‌نگاوێکی پێرۆزیان نرخاند.‌

پێویسته‌ بگوترێ شاعیری لاوی کرماشانی قوباد جه‌واهیرزاده‌ به‌ چه‌ند پارچه‌ شێعر به‌شداری کرد، له‌ ئاخیرین به‌شی به‌رنامه‌ که‌دا دوو به‌رێزی کرماشانی به‌ هوونه‌ر نه‌مایی سه‌مایی کرماشانی ڕێوڕه‌سمه‌که‌یان زیاتر ڕازانده‌وه‌ و له‌ لایه‌ن کۆمیته‌ی حیزبه‌وه‌ وێرای سپاس و رێزلێنانیان ،ئه‌وانیش خه‌لات کران.

دوایین به‌شی به‌رنامه‌که هه‌ڵپه‌رکێ و شایی بوو به‌ موسیقای دیجه‌ی ئاســـۆ تا 12ی ‌شه‌و درێژه‌ی کێشا و به‌شداران ئه‌و شه‌وه‌یان له ناو خۆشی و شادی و ڕه‌شبه‌ڵه‌کدا کۆتایی پێهێنا و له‌ لایه‌ن هه‌یئه‌تی به‌ریوه‌به‌ریی ئاهه‌نگه‌که‌وه‌ وێڕای سوپاسی له‌ به‌شداربوان ده‌ستخۆشانه‌ له‌ هه‌موو ئه‌و دۆست و خۆشه‌ویستانه‌ کرا که ئه‌و په‌ڕی هاوکاری خۆیان بۆ به‌ڕێوه‌چوونی ئه‌و ڕێوڕه‌سمه‌ نیشاندا.
26isermawez.jpg

بگه‌رێوه‌|ئەم بابەتە 1257 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact