. . . .


7 Dec 2009

بلژیک: به‌شداری هه‌یئه‌تێکی حدک له سێمینار پاڕلمانی ئوروپا له‌س??


ناوه‌ندی هه‌واڵ: رۆژی چوارشه‌ممه‌ رێکه‌وتی 2ی دێسامبر کۆمیسیۆنی تایبه‌ت بۆ کاروباری ئێران له‌ پارڵمانی ئوروپا باسێکی له‌ سه‌ر ره‌وشی مافی مرۆڤ له‌ ئێران له‌ به‌رنامه‌ی کاری خۆیدا هه‌بوو. هه‌یئه‌تی حیزبی دێمۆکراتی کوردستان که‌ به‌ فه‌رمی بۆ ئه‌م به‌رنامه‌یه‌ بانگهێشت کرابوو بریتی بوو له‌ هاورێیان کاوه‌ ئاهه‌نگه‌ری نوێنه‌ری حیزب بۆ کار و باری یه‌کییه‌تی ئوروپا و گوڵاڵه‌ شه‌ره‌فکه‌ندی به‌رپرسی یه‌کییه‌تی ژنانی دیموکراتی کوردستان له‌ ده‌ره‌وه‌ی وڵات.

پێشه‌کی خاتوو باربارا لۆش‌بیهڵێر ئه‌ندامی پارڵمانی ئوروپا که‌ ئه‌ندامی کۆمیته‌ی روابێتی خاریجی، ئه‌ندامی کۆمیته‌ی مافی مرۆڤ و سه‌رۆکی کۆمیسیۆنی تایبه‌ت بۆ کار وباری ئێرانی پارڵمانه‌ کۆبوونه‌وه‌که‌ی به‌ فه‌رمی کردووه‌ و به‌خێر هێنانی خاتوو شادی سه‌دری کرد و داوای لێکرد باسه‌که‌ی خۆی پێشکه‌ش بکات.

خاتوو شادی سه‌در پارێزه‌ری ئێرانی و وه‌رگری خه‌ڵاتی لێخ والێنسا و لاله‌ مافی مرۆڤی هۆله‌ند وه‌ک میوانی سه‌ره‌کی بۆ باس له‌ سه‌ر ره‌وشی مافی مرۆڤ دوای ئاماژه‌ به‌ وه‌زعی ئێران له‌ دوای هه‌ڵبژاردنی سه‌رۆک کۆماری، ئێعترازه‌کان و چۆنیه‌تی سه‌رکوتی خه‌ڵک له‌ لایه‌ن رێژیم، رۆڵی به‌رچاوی ژنانی له‌و حه‌ره‌که‌ته‌ وره‌وشی زیندانه‌کان و پێشیکارێکانی مافی مرۆڤی له‌ ئێراندا، داوای له‌ پارڵمانی ئوروپا کرد که‌ له‌ ئاست پێشێلکاری مافی مرۆڤ له‌ ئێران بێده‌نگ نه‌بن و ‌ره‌وشی مافی مرۆڤ فیدای دانوستانی ناوه‌کی له‌گه‌ڵ ئێران نه‌کرێ. خاتوو شادی سه‌در داوای له‌ پارڵمانی ئوروپا کرد که‌ ستراتێژی نوێ ره‌چاو بکات که‌ ره‌نگدانه‌وه‌ی زیاتری هه‌بێت له‌ سه‌ر به‌رپه‌رچ دانه‌وه‌ی ئێران. ئه‌و ئاماژه‌ی پێکرد که‌ قه‌تعنامه‌ کان له‌ دژی هه‌رچه‌ند پێویست به‌ڵام کاریگه‌ر نین. به‌ واتایه‌ک سێ پێشنیاری سه‌ره‌کی هێنایه‌ گۆرێ یه‌که‌م ئه‌وه‌یکه ره‌وشی مافی مرۆڤ ده‌بێ به‌ راده‌ی چه‌کی ناوه‌کی گرینگی پیبدرێ و فشار هێنان بۆ ئێران له مه‌ر هه‌ردوک مه‌سه‌له‌ ده‌بێ له‌‌ هه‌موو بواره‌کانی پێوه‌ندی ئابووری، کلتوری، سیاسی و حقوقی ره‌چاو بکرێ و هه‌مه‌لایه‌ن بێت و له‌ لایه‌ن هه‌موو وڵاتانی ئوروپی ره‌چاو بکری.

وه‌ک دوهه‌م خاڵ پێشنیاری کرد ‌ کۆمیته‌یه‌کی لێکوڵینه‌وه‌ له‌ سه‌ر وه‌زعی زیندانه‌کان و چۆنیه‌تی ره‌وشی مافی مرۆڤ ره‌وانه‌ی ئێران بکری و ئه‌و کۆمیته‌یه‌ بتوانێ به‌ په‌روه‌نده‌کاندا بچێته‌وه‌ و چاوه‌دێری بکات به‌ سه‌ر دادگایی ئه‌وکه‌سانه‌ی ئێستا روبه‌روی زیندان یان شکه‌نجه‌ و ئێعدام ده‌بنه‌وه‌. وه‌ک بنه‌ما بۆ گرینگی ئه‌و کاره‌ ئه‌و راستییه‌ی ده‌ست نیشان کرد که‌ سیسته‌می قه‌زایی له‌ ئێران سه‌ربه‌خۆ نییه‌ و هه‌تا ئێستا ته‌نیا یه‌ک که‌سیش له‌ تاوانبارانی جنایه‌ته‌کانی ئه‌م دواییانه‌ سزا نه‌دراوه‌.

وه‌ک سێهه‌م پیشنیار داوای له‌ پارلمانی ئوروپا کرد که‌ یارمه‌تی و حیمایه‌تی ئه‌و پارێزه‌رانه‌ یان چالاکانه‌ی مافی مرۆڤ بکات که‌ له‌ ئێران گیانیان له‌ مه‌ترسی ده‌که‌وێت یان دوای زیندان له‌ ره‌وشێکی خه‌راپ دان و پیویسته‌ بۆ ماوه‌یه‌ک ده‌رفه‌تی مانه‌وه‌ له‌ ئوروپایان پێ بدرێت.

له‌ به‌شی دوهه‌م ئه‌ندامانی پارڵمان پرسیاره‌کانی خۆیان ئاراسته‌ی خاتوو شادی سه‌در کرد و دواتریش خاتوو باربارا ئیشاره‌ی به‌ ته‌قویمی به‌رنامه‌کانی داهاتووی پارڵمان له‌ سه‌ر ئێران کرد و دواتریش هه‌یئه‌تی حیزبی له‌ باسێک دا له‌ گه‌ل خاتوو باربارا له‌ سه‌ر زه‌روره‌تی به‌رنامه‌یه‌ک له‌ مه‌ر مافی که‌مایه‌تییه‌ نه‌ته‌وه‌یه‌کان له‌ ئێران و باسی کورده‌کان قسه‌یان کرد و قه‌رار درا پیوه‌ندییه‌که‌ به‌ردوام بێت و هه‌یئه‌تی حیزبی هێندێک زانیاری و پێشنیار بخاته‌ روو له‌ سه‌ر گرینگی هێندیک مه‌سه‌له‌ بۆ باسه‌کان. له‌ کوتایی دا هه‌یئه‌تی حیزبی و خاتوو شادی سه‌در وه‌ک میوان له‌ گه‌ڵ خاتوو سابین و خاتوو باربارا نه‌هاریان کرد و له‌و ماوه‌یه‌دا هێندێک بابه‌تی دیکه‌ له‌ سه‌ر باسه‌کانی داهاتووی کۆمیسیۆنی پارڵمانی ئوروپا بۆ کار و باری ئێران هاته‌ گۆرێ. ‌
p-orupa-iran.jpg

بگه‌رێوه‌|ئەم بابەتە 1363 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact