. . . .


26 Nov 2009

هه‌وڵدانی نوێنه‌رایه‌تیی حدک لە سویس بۆ رزگار کردنی گیانی به‌ندی


ناوه‌ندی هه‌واڵی ده‌ره‌وه‌ی وڵات: لە درێژەی کارو تێکۆشانی بەرپرسی پێوەندیە بیانییه‌کانی حیزبی ‌دێمۆکراتی کوردستان لە وڵاتی سویس بۆ رزگارکردنی گیانی ئەو 12 کوردەی رۆژهەڵاتی کوردستان کە هەر ئێستا حوکمی ئیعدامیان بە سەر داسەپێنەراوەو پێویستییان به‌ پشتگیری و داکۆکیی جیهانی بۆ هه‌ڵوه‌شاندنه‌وه‌ی حوکمه‌کانیان هه‌یه‌، رەحمانی ئیبراهیم زاده‌، بەرپرسی پێوەندیە بیانییه‌کانی حیزبی ‌دێمۆکراتی کوردستان لە وڵاتی سویس نامەیەکی کراوەی دەگەڵ راپۆرتێکی گشتی سەبارەت بە وەزعی ئێران و زیندانییەکانی بنده‌ستی کۆماری ئیسلامی و ناو موشەخەساتی ئەو 12 که‌سه‌ی مه‌ترسیی ئێعدام کرانیان له‌سه‌ره‌و هه‌روه‌ها نوسخه‌یه‌ک له‌ نامەی سکرتێری گشتیی حیزبی دێمۆکراتی کوردسانی بۆ ئەو ئۆرگان و کەسایەتیانەی وەڵاتی سویس ناردوه‌ و داوای بە پەلە فریاکەوتنی گیانی ئەو زیندانیانەی لێکردوون:
1 _ خاتون میشیل کاڵمیرێ وەزیری دەرەوەی وەڵاتی سویس.
2 _ دەفتەری نێونەتەوەی حیزبی سۆسیالیست بە رێز ئاغای پیتێر هۆگ.
3 _ دەفتەری ناوەندی کاریتاسی تەوای سویس.
4 _ بەرێز دوکتۆر هانس ێۆرگ فۆگێڵ جێگری بەرپرسی میگراتیۆنی کانتۆنی لئزێرن.
5 _ بەرێز جۆلانگ ناسێۆناڵ راتی سەر بە حیزبی سوزەکان.
6 _ بەرێز کاک ئالی چەلیک ئه‌ندامی کارای ئۆپرای سویس و ئەندام لە حیزبی سوزەکان.
7 _ خاتوون ترودی دونکێڵ مان، ئەندامی ناوەندی یەکیەتیی ژنانی سویس کە کەسێکی دیارو هەڵسورە لە کارو باری ئینسانی دایە.
8 _ بەرێز دێنیسێ گراف له‌ ئەمنستی ئینتێرناسیۆنال له‌ سویس.
9 _ به‌رێز هانسپیتێر دانێۆت کاریتاس کانتۆن لوزێرن.
10 _ به‌رێز کاسپار هالێ ، ئه‌ندامی راوێژکاری پارلمانی سویس ده‌گه‌ڵ کورده‌کان و ئه‌ندامی رێکخراوی دیفاع له‌ گه‌لانی هه‌ره‌شه‌ لێکراو له‌ وه‌ڵاتی سویس.
ئه‌و ئۆرگان و که‌سایه‌تیانه‌ که‌ نامه‌که‌یان بۆ نێردراوه‌‌، هه‌ر یه‌ک به‌ جۆرێک خه‌م و په‌ژاره‌ و هاوسۆزییان له‌ گه‌ڵ کورده‌کانی کوردستانی ئێران ده‌ربه‌رێوه‌ و ئه‌و کاره‌ی کۆماری ئیسلامی ئێرانیان به‌ پێشێلکاری مافه‌کانی مرۆڤ له‌ قه‌ڵم داوه‌ و مه‌حکومیان کردوه‌، به‌ڵام به‌شێوه‌یه‌کی ره‌سمی له‌ لایه‌ن ده‌وڵه‌تی سویسه‌وه‌، تائێستا شتێک رانه‌گه‌یندراوه‌، به‌ڵام رێکخراوه‌کانی داکۆکی له‌ مافی مرۆڤ تێکڕا پێشێلکارییه‌کانی مافی مرۆڤی کوردان له‌ لایه‌ن کۆماری ئیسلامییان مه‌حکووم کردوه‌، به‌تایبه‌ت ئه‌منستی ئنترناسیۆناڵ سوی که‌ زۆر به‌ توندی ئه‌و کاره‌ی ئیدانه‌ کردووه‌ و ده‌وله‌تی ئێرانی به‌ ره‌سمی له‌و باره‌وه‌ ئاگادار کردۆته‌وه‌.

بگه‌رێوه‌|ئەم بابەتە 1072 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact