. . . .


23 Nov 2009

دووهه‌مین کۆبوونه‌وه‌ی شورای ئه‌نترناسیۆنال به‌ به‌شداریی و??


ناوه‌ندی هه‌واڵی ده‌ره‌وه‌ی وڵات: ئه‌مڕۆ دووشه‌ممه‌، 23ی نوامبری 2009 شورای ئه‌نترناسیۆنالی سوسیالیست دووهه‌مین کۆبوونه‌وه‌ی دوای کۆنگره‌ی خۆی ده‌ست پێکرد و وه‌فدێکی حیزبی دێموکراتی کوردستانیش له‌ کۆبوونه‌وه‌که‌دا به‌شداره‌.
دووهه‌مین کۆبوونه‌وه‌ی دوای کۆنگره‌ی 23ی ئه‌نترناسیۆنالی سوسیالیست له‌ شاری سانتۆ دۆمینگۆی پێته‌ختی کۆماری دومێنیک به‌ڕێوه‌ ده‌چێ.
نوێنه‌رایه‌تی حیزبی دێموکراتی کوردستان بۆ کاروباری پێوه‌ندیدار به‌ ئه‌نترناسیۆنال سوسیالیست که‌ ناوه‌نده‌که‌ی له‌ وڵاتی بریتانیایه‌، به‌ ناوه‌ندی هه‌واڵی ده‌ره‌وه‌ی وڵاتی راگه‌یاند که‌ له‌ سه‌ر بانگهێشتی فه‌رمیی شورای ئه‌نترناسیونال وه‌فدێک له‌ حیزبی دێموکراتی کوردستان پێکهاتوو له‌ به‌ڕێزان کامران باڵنوور به‌رپرسی پیوه‌ندیه‌کانی حیزب له‌ ئه‌مریکا و خه‌بات ئیبراهیم پوور ئه‌ندامی کۆمیته‌ی حیزب له‌و وڵاته‌ له‌ کۆبوونه‌وه‌که‌ دا به‌شدارن. به‌ پێی زانیاریه‌کانی سه‌رچاوه‌ی ئاماژه‌ بۆکراو کۆبوونه‌وه‌که‌ به‌ به‌شداری نوێنه‌رانی حیزبه‌کانی ئه‌ندام و میوانانی ئه‌و رێکخراوه‌یه‌ له‌ ماوه‌ی رۆژانی 23 و 24ی نوامبردا به‌ڕێوه‌ ده‌چێ.
کۆنگره‌ی 23ی ئه‌نترناسیۆنال سوسیالیست له‌ رۆژه‌کانی 30 و31ی ژانویه‌ی 2008 له‌ ئاتێنی پایته‌ختی یۆنان به‌رێوه‌ چوو که‌ له‌ودا وه‌فدێکی حیزبی دێموکراتی کوردستان به‌ سه‌رپه‌ره‌ستیی رێزدار خالید عه‌زیزی به‌شدار بوو.
ناوه‌ندی هه‌واڵ له‌ رۆژانی داهاتوودا راپۆرتی کۆبوونه‌وه‌که‌ و چالاکیه‌کانی وه‌فدی حدک بڵاو ده‌کاته‌وه‌.

بگه‌رێوه‌|ئەم بابەتە 1183 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact