. . . .


7 Nov 2009

سویس: خۆپیشاندانێک بۆ پشتیوانی له‌ زیندانیانی سیاسی و مه‌ده‌نی کو?


ناوه‌ندی هه‌واڵ - زاهید شاعیری: له‌ سه‌ر بانگه‌وازی کۆمیته‌کانی سویسی هه‌ر یه‌ک له‌ حیزبی دێموکراتی کوردستان، چاوه‌دێری کوردۆساید (چاک) و کانوونی دێموکراتیکی په‌نابه‌رانی ئێرانی کاتژمێر 1ی دوانیوه‌رۆی ڕۆژی هه‌ینی 6ی نوامبری 2009 به‌ مه‌به‌ستی پشتگیری له‌ به‌ندکراوانی سیاسی و مه‌ده‌نیی رۆژهه‌ڵاتی کوردستان و مه‌حکووم کردنی بڕیاری ئێعدام به‌ سه‌ر 13 که‌س له‌و به‌ندکراوانه، خۆپیشاندانێک به‌ به‌شداریی ژماره‌یه‌کی زۆر له‌ کوردان و ئێرانیه‌کانی دانیشتووی وڵاتی سویس‌ له ‌شاری بێرنی پایته‌ختی ئه‌و وڵاته‌ به‌ڕێوه‌ چوو.
خۆپیشاندانه‌که‌ ‌له‌ مه‌یدانی (هێلڤێتیاپلاتس) ه‌وه ‌به‌ره‌و سه‌فاره‌تی کۆماری ئیسلامی ئێران، ‌به‌ گوتنه‌وه‌ی دروشمه‌کانی پێوه‌ندیدار به‌ ئازادیی به‌ندکراوان، مه‌حکووم کردنی گوشار و زه‌برو زه‌نگی کۆماری ئیسلامی له‌ سه‌ر ئه‌وان و خواستی هه‌ڵوه‌شاندنه‌وه‌ی بڕیاری ئێعدام به ‌زمانه‌كانی كوردی، فارسی و ئه‌ڵمانی و به‌رزكردنه‌وه‌ی وێنه‌و پۆسته‌ری ئه‌شكه‌نجه‌دراوان و زیندانییان كه‌سیاسه‌ت و ڕه‌فتاره‌كانی رژێمی ئیسلامی ئێرانییان له‌قاوده‌دا، ده‌ستی پێکرد. پاش گه‌یشتنی خۆپیشانده‌ران بۆ ‌به‌رده‌م باڵوێزخانه‌ی رژیمی ئێران، په‌یامی خۆپیشانده‌ران به‌زمانی فارسی له‌لایه‌ن دكتۆر موشا‌هیدی، به ‌زمانی كوردی له‌لایه‌ن مامۆستا عه‌زیز ئه‌حمه‌دی و به زمانی ‌ئه‌ڵمانی له‌لایه‌ن هیوا ناسیح ‌خوێندرانه‌وه‌، كه تێیدا ‌باس له ‌ڕه‌وشی ئێستای زیندانییانی سیاسی و مه‌ده‌نی له‌ ئێران به‌گشتی و كوردستان به‌تایبه‌تی كرابوو و ‌داواكاری خۆپیشانده‌رانی له‌خۆگرتبوو. پاشان په‌یامی هه‌ریه‌ک له ‌سازمانی خه‌باتی کوردستانی ئێران، حزبی کۆمۆنیستی ئێران – کۆمه‌ڵه له‌ لایه‌ن نوێنه‌رانیانه‌وه‌ پێشكه‌‌ش كران.
خۆپیشاندانه‌كه پاش نزیكه‌ی دوو سه‌عات كۆتایی هات..
tezahurat-zyndyan2.jpg
tezahurat-zyndyan.jpg

بگه‌رێوه‌|ئەم بابەتە 1313 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact