. . . .


4 Nov 2009

به‌رپرسی کۆمیته‌ی به‌ڕێوه‌به‌ریی ده‌روه‌ی وڵات سه‌ردانی پار?


ناوه‌ندی هه‌واڵ: ڕۆژی 4 ی نوامبری 2009 کاک مسته‌فا شڵماشی ئه‌ندامی ده‌فته‌ری سیاسی و به‌رپرسی کومیته‌ی به‌ڕێوه‌به‌ریی حیزبی دێموکراتی کوردستان له‌ ده‌ره‌وه‌ی وڵات، سه‌ردانی پاڕله‌مانی هوله‌ندی کرد و له‌ گه‌ڵ پارلمانتار هاری فان بۆمڵ ئه‌ندامی پاڕله‌مانی هوله‌ند له‌ سه‌ر لیستی حیزبی سوسیالیستی ئه‌و وڵاته‌ کۆبۆوه. له‌ کۆبوونه‌وه‌که‌دا باس له‌ بابه‌ت و رووداوه‌کانی پێوه‌ندیدار به‌ ڕۆژهه‌ڵاتی کوردستان و ئێران کرا و جه‌ختیان له‌ سه‌ر هاوکاری و په‌یوه‌ندی به‌رده‌وام له‌ نێوان حیزبی دێموکڕاتی کوردستان و حیزبی سوسیالیستی هوله‌ند کرده‌وه‌. هه‌روه‌ها دوولایه‌ن به‌ پیویستیان زانی که‌ په‌یوه‌ندییه‌کان به‌رده‌وام بن و به‌ تایبه‌ت له‌ بواری مافی نه‌ته‌وه‌کان، مافی مرۆڤ و چۆنیه‌تی یارمه‌تی به‌ پڕۆسه‌ی دێموکڕاسی له‌ کوردستان و ئێران دا پیکه‌وه‌ هاوکاری بکه‌ن.

شایانی باسه‌ ئاغای فان بۆمڵ چالاکترین ئه‌ندامی پاڕله‌مانی هوله‌نده‌ له‌ بابه‌ت کێشه‌کانی پێوه‌ندیدار به‌ کوردستان و ئێران دا. هه‌روه‌ها یه‌کێک له‌ یارمه‌تیده‌رانی وه‌گه‌ڕخستنی دادگایی فرانتس ڤان ئانرات، ئه‌و بازرگانه‌ هوله‌ندییه‌یه‌ که‌ له‌ ده‌ستی له‌ فرۆشتنی مه‌وادی شیمیایی به‌ ڕژیمی سه‌ددام دا هه‌بوو.

فان بۆمڵ ماوه‌یه‌ک له‌ مه‌وبه‌ر له‌ پارله‌مانی هوله‌ند دا به‌ ئاشکرا پشتیوانی له‌ گه‌لانی ئێران کرد و به‌ دوای به‌ سه‌رکۆمار کردنه‌وه‌ی ئه‌حمه‌دی نه‌ژاد، داوای له‌ وه‌زیری کاروباری ده‌ره‌وه‌ی وڵاته‌که‌ی کرد تا‌ سه‌فیری ئێران له‌ هوله‌ند ده‌ر بکا و ده‌وڵه‌تی ئه‌حمه‌دی نژاد به‌ ڕه‌سمی نه‌ناسێ.‌
shalmash-van-boml.jpg

بگه‌رێوه‌|ئەم بابەتە 1123 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact