. . . .


26 Oct 2009

سویس: کۆمیته‌ی حیزبی دێموکرات و یه‌کێتی نیشتمانی کوردستان به‌ یه‌?


ناوه‌ندی هه‌واڵ: ڕۆژی شه‌ممه‌ 24.10.2009 له‌ شاری زوریخ‌ی سویس هه‌ردوو کۆمیته‌ی سویسی حیزبی دێموکراتی کوردستان و یه‌کیه‌تی نیشتیمانی کوردستان، به‌ مه‌به‌ستی تاوتوێ چه‌ند بابه‌تی هه‌ستیار و هه‌نووکه‌یی له‌ گۆڕه‌بانی سیاسی ئه‌مڕۆی کوردستان، به‌تایبه‌تی بابه‌ته‌کانی په‌یوه‌ندی دار به‌ باشوور و ڕۆژهه‌ڵاتی کوردستان کۆبوونه‌وه‌.

کۆبوونه‌وه‌که‌ کاتژمێر 2ی دوانیوه‌ڕۆ به‌ راگرتنی خووله‌کێک بێده‌نگی بۆ ڕێزگرتن له‌ گیانی پاکی شه‌هیدانی کورد و کوردستان ده‌ستی پێکرد. له‌ سه‌ره‌تادا به‌رێز به‌هار ئیبڕاهیمی ساوجبڵاغی به‌رپرسی کۆمیته‌ی سویسی حیزب چه‌ند وته‌یه‌کی له‌ بابه‌ت ئامانج و رێوشوێنی کۆبوونه‌وه‌که‌ پێشکه‌ش کرد. پاشان له‌ لایه‌ن به‌رپرسی کۆمیته‌ی سویسی یه‌کیه‌تی نیشتیمانی کوردستان، کاک ڕه‌سوڵ عبدالرحمان دوای ئه‌وه‌ی به‌گه‌رمی به‌خێر‌هاتنی وه‌ڤدی حیزبیان کردو خۆشحاڵی خۆیان له‌م دیداره‌ ده‌ربڕی و ئاماژه‌ی به‌ په‌یوه‌ندیه‌ قوڵ و له‌ مێژینه‌کانی نێوان هه‌ردوو حیزب کرد که‌ مێژوه‌که‌ی ده‌گه‌ڕێته‌وه‌ بۆ ده‌یان ساڵ پێشتر، سووربوونی یه‌کیه‌تیان له‌سه‌ر به‌رده‌وامی و پته‌وتر کردنی ئه‌م په‌یوه‌ندیه‌بانه‌ی نێوان دوو لایه‌ن ده‌ربڕی و پاشان باسێکی له‌سه‌ر باروودۆخی هه‌نوکه‌یی کۆمیته‌ی سویسی یه‌کیه‌تی نیشتیمانی کوردستان و چۆنیه‌تی به‌رنامه‌و و پرۆژه‌کانی ئه‌م کۆمیته‌یه‌ بۆ داهاتوو له‌ سویس خسته‌ به‌ر باس. پاشان به‌ڕێز نه‌وزاد که‌ریم نوێنه‌ری یه‌کیه‌تی نیشتیمانی کوردستان باسێکی به‌ پێزی له‌سه‌ر باروودۆخی ئێستای عێراق و باشوری کوردستان پێشکێش کرد که‌ له‌لایان وه‌ڤدی حیزبه‌وه باسه‌که‌ ده‌وڵه‌مه‌ند کرا.

له‌ به‌شێکی تری دانیشتنه‌که‌دا به‌ڕێز زاهید شاعیری به‌رپرسی پیوه‌ندیه‌ کوردستانیه‌کانی حیزب له‌ کۆمیته‌ی سویس باسێکی له‌سه‌ر باروودۆخی ئێستای ئێران و ڕۆژهه‌ڵاتی کوردستان، سیاسه‌ت و خوێندنه‌وه‌کانی حدک له‌ سه‌ر ڕووداوه‌کانی ئه‌مدواییانه‌ی ئێران و کوردستان پێشکێش کرد، که باسه‌که‌‌ له‌ لایان وه‌فدی یه‌کیه‌تی نیشتیمانی کوردستانه‌وه‌ به‌ هێند وه‌رگیراو و له‌ لایان له‌ لایه‌ن وه‌فدی حیزبیشه‌وه‌ ئه‌م باسه‌ ده‌وڵه‌مه‌ندتر کرا.
کۆبوونه‌وه‌که‌ سه‌رجه‌م دوو کاتژمێری خایاند و دوو لایه‌ن وێڕای به‌ گرینگ زانینی ئه‌و جۆره‌ کۆبوونه‌وانه‌، جه‌ختیان له‌سه‌ر به‌رده‌وامی دوولایه‌ن بۆ پێکهێنانی کۆبوونه‌وه‌ی هاوشێوه‌ و په‌ره‌دان به‌ هاوکاری نێوان دوو لایه‌ن له‌ وڵاتی سوید کرده‌وه‌.
وه‌فدی کۆمیته‌ی سویسی حیزبی دێموکارتی کوردستان پێکهاتبوو له به‌ڕێزان: ‌به‌هار ئیبڕاهیمی به‌رپرسی کۆمیته‌، زاهید شاعیری ئه‌ندامی کۆمیته‌ و به‌رپرسی به‌شه‌کانی په‌یوه‌ندیه‌ کوردستانیه‌کان و ڕاگه‌یاندنی حیزب له‌سویس، فاتح ڕه‌سوڵی، جه‌ماڵ وه‌یسی ئه‌ندامانی کۆمیته‌ و حه‌سه‌ن ئیسماعیلی به‌رپرسی شانه‌ی زوریخ و ساڵح مه‌حه‌مه‌دپوور ئه‌ندامی چالاکی حیزب. هه‌روه‌ها نه‌وزاد که‌ریم نوێنه‌ری یه‌کیه‌تی نیشتیمانی کوردستان له‌ سویس، و ئه‌ندامانی کۆمیته‌؛ به‌ڕێزان ڕه‌سوڵ عبدالرحمان به‌رپرسی کۆمیته، ‌ئه‌سبه‌ر جه‌عفه‌ر، لوقمان عه‌لی و جوتیار عه‌لی وه‌فدی یه‌کیه‌تی نیشتیمانی کوردستانیان پێکهێنابوو.
didari-y-n-k.jpg

بگه‌رێوه‌|ئەم بابەتە 1047 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact