. . . .


18 Oct 2009

له‌ بریتانیا‌ بۆ پشتگیریی له‌ به‌ندکراوانی رۆژهه‌ڵاتی کوردستان


ناوه‌ندی هه‌واڵ: به‌ مه‌به‌ستی ناره‌زایه‌تی دژ به‌ گوشار و هه‌ڕه‌شه‌کانی کۆماری ئیسلامی ئێران بۆ سه‌ر زیندانیانی سیاسی و مه‌ده‌نیی کورد له‌ ڕۆژهه‌ڵاتی کوردستان و مه‌حکوم کردنی سه‌پاندنی به‌رده‌وامی حوکمی ئیعدام به‌ سه‌ر چالاکانی کورد به‌ بیانوی جۆراوجۆر له‌ لایه‌ن کۆماری ئیسلامی ئێران، خۆپیشاندانێک له‌ شاری له‌نده‌نی پێته‌ختی بریتانیا به‌ڕێوه‌ چووه.
خۆپیشاندانه‌که‌ که‌ به‌ده‌سپیشخه‌ری ڕێکخراوی چاک و کۆمیته‌ی پستیوانی له‌ زیندانیانی سیاسی کورد رێکخرانوو، سه‌عات 2ی دوانیوه‌ڕۆی ڕۆژی شه‌ممه‌ 17 ئۆکتۆبری 2009 ، به‌ به‌شداریی ژماره‌یه‌کی به‌رچاو له‌ کوردانی دانیشتوی شاره‌کانی بریتانیا له‌ به‌ر ده‌م سه‌فاره‌تی کۆماری ئیسلامی له‌ شاری له‌نده‌ن ده‌ستی پێکرد‌. خۆپیشانده‌ران به‌ دروشمی جۆراوجۆری وه‌ک: بڕوخێ کۆماری ئیسلامی، مه‌رگ بۆ خامنه‌یی، مه‌رگ بۆ ئه‌حمه‌دی نژاد، زیندانیانی سیاسی ده‌بێ ئازاد بکرێن، ئێعدامی زیندانیان ده‌بێ ڕابگیرێ و زۆر درووشمی دیکه‌ له‌ دژی ڕێژیمی خوێنڕێژی کۆماری ئیسلامی و دروشمی پشتیوانی له‌ زیندانیانی ڕۆژهه‌ڵاتی کوردستان دووپات کرانه‌وه‌‌.

خۆپێشاندانه‌که‌ 2 کاتژمێری خایاند و چه‌ندین حیزبی کوردستانی و که‌سانی سه‌ربه‌خۆ به‌شداریان تێدا کرد. هه‌روه‌ها ئه‌ندامانی حیزبی دێمۆکراتی کوردستان له‌ شاری له‌نده‌ن وه‌کو ئه‌رکێکی نه‌ته‌وایه‌تی چالاکانه‌ به‌شداریان له‌و خۆپێشاندانه‌ دا کرد.
brytanya-chak-xopishandan1.jpg

بگه‌رێوه‌|ئەم بابەتە 1095 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact